Assalamu’alaikum wr.wb
Kula nuwun..
Mugiya karaharjan saha kabegjan tansah kajiwa, kasarira ing kula lan
panjenengan sedaya.
Bapa ………………………….. ingkang dhahat kinurmatan.
Bapa ………………………….. ingkang kula hurmati
Saha sagunging para …………………………………. ingkang kula tresnani..
Nyuwun agunging pangapunten dene kula jumeneng wonten ing ngarsa
panjenengan sedaya, mboten karana kiranging raos pakurmatan dhumateng
panjenengan sedaya, kula ugi kumawantun nyigeg kamardhikan panjenengan ingkang saweg
eca wawan pangandikan, awit nampi ayahan supados nglantaraken reroncening adicara pahargyan ingkang badhe kawiwitan ing
dinten punika.
Amung saderengipun adicara dipunwiwiti, sumangga panjenengan sedaya
kula dherekaken ngunjukaken raos syukur dhumateng ngarsanipun Gusti Ingkang Maha
Agung Tumrap pangayomaning ingkang sampun kaparingaken dhumateng panjenengan
kula sedaya, temahan kula lan panjenengan saged makempal manunggal ing majlis
punika kanthi wilujeng kali sing sambikala.
Shalawat saha salam mugya tansah konjuk dhumateng junjungan kita,
sekaring jagad mustikaning bawana nun inggih Nabi Muhammad SAW ingkang tansah
kita antu-antu syafa’atipun wiwit wekdal punika ngantos dumugi yaumul akhir
samangkin. Aamiin.
Para rawuh samudayanipun ingkang tansah kula hurmati..
Prelu kawuninga bilih ing dinten punika ,…… pawiyatan SMK N 6 PWR
badhe ngawontenaken pahargyan pengetan dinten kamardhikan Indonesia. Pramila keparenga kula ngaturaken ramtamaning adicara ingkang sampun karakit ing pepanggihan
punika, nung inggih:
1.
Pambuka
2.
Atur sapala
3.
Sesorah
4.
…..
5.
Panutup
Para rawuh samudayanipun ingkang tansah kula hurmati..
Mekaten menggah lampahing adicara ingkang sampun katata, ingkang
punika mugya para rawuh samudayanipun kersa lenggah saha hangestreni dumugi
paripurnaning pahargyan. Nuwun ..
Para rawuh samudayanipun ingkang tansah kula hurmati..
Minangka purwakaning pahargyan punika, sumangga panjenengan sedaya
kula dherekaken manembah sowan wonten ing ngarsaning Gusti ingkang Akarya Jagad
ing salebeting pandonga kinanthenan nyenyuwun mugya pahargyan punika saged
lumampah saking purwa, madya dalah wasana kali sing sambikala tan manggihi
alangan setunggal punapa. Aamiin
Kalajengaken acara kaping kalih inggih punika atur pambgyaharja
pengetan …., dhumateng panjenenganipun
mas …., wekdal kaaturan sumangga.
Gamblang wijang tarwaca datan tempah sun pangraciking ukara, atur
pambgyaharja ingkang sampun kaasta dening panjenenganipun mas …… Dumateng panjenenganipun
kaaturan gunging panuwun.
Para rawuh kakung sumawana putrid ingkang tuhu ing budi..
Sampun paripurna pahargyan pengetan …. Ing dinten punika, tampaking
acara salajengipun inggih punika panutup.
Ananging saderengipun adicara dipunpungkasi, keparengan kula matur
mbok bilih anggen kula ndherekaken lampahing adicara saking purwa madya dalah
wasana kula nglenggana kathah cecer crewet galap gangsuling atur, nerak
subasita miwah trapsila, mugya panjenengan sedaya kersa paring pangaksama,
Wassalamu’alaikum wr. Wb
nuwun
0 Response to "PRANATACARA"
Post a Comment