tuladha pambiyawara perpisahan siswa kelas XII

Assalamu’alaikum Wr. Wb.

Kula nuwun..
 

KABAGYAN MIWAH KAMULYAN MUGI TANSAH TUMANDUK ING KITA SAMI AWIT PARINGING SIH WILASA MIWAH NUGRAHA SAKING NGERSA DALEM GUSTI INGKANG MAHA SUCI

Kawula nuwun,

Dhumateng pangarsanipun Kepala Sekolah SMK N 6 Purworejo ingkang kula hormati.

Dhumateng pangarsanipun  Komite SMK N 6 purworejo ingkang kula hormati.

Dhumateng kadang dwija lan Staf Tata Usaha SMK N 6 Purworejo kakung sumawa putri ingkang kula hormati lan tresnani.

Dhumateng Bapak/Ibu wali atmaja ingkang kula hormati. Wardhinipun Para wredha mudha kelas XII

SMK N 6 purworejo ingkang kula emani lan tresnani.

Kapurwakan kanthi kula dherekaken manengku puja brata sahandhap pepadhaning Gusti Ingkang Maha Welas Miwah Maha Asih, awit saking rumantahaning asih wilasa miwah nugraha, ingkang sampun tumanduk dhumateng kita sedaya, saengga saged hanjumenengi adicara ing wekdal punika kanthi tulus raharja kalis ing sambikala. Amien

Para rawuh kakung sumawana putri ingkang dhahat kinurmatan. Punten dalem sewu, mugi - mugi tinebih ing sarusiku. Dene wekdal punika  kula cumantaka sumantana, dek sura tilar ing tata krami, nerak suba sita tebih ing uda negari. Kepareng munggel pangandikan miwah hanyarwe kamardhikan. Esthining parasdya tebih ing raos kumalungkung, hamung kadereng netepi dharmaning wajib tinimbalan supados pambyawara pinatah kardi kinen ngrakit reroncening titi laksana adicara  ing wekdal punika.

Wondene reroncening titi laksana adicara ing wekdal punika nuwun inggih punika :

SEPISAN                                 : PAMBUKA

Ingkang angka KALIH    : LAPORAN SAKING KETUA PENYELENGGARA  UJIAN   NASIONAL & UJIAN SEKOLAH

Ingkang angka TIGA        : 1. ATUR PAMBAGYA RAHARJA SAHA HAMANGSULAKEN SISWA KELAS XII DHUMATENG WALI MURID

                                                     2. ATUR PAMBAGYA RAHARJA SAKING WALI MURID

Ingkang angka SEKAWAN      : PANUTUP

Ingkang angka GANGSAL      :

Ingkang angka NEM                 :

Para rawuh kakung putri wredha mudha ingkang minulya, saderengipun tumapaking titi laksana adicara, kula nyuwun ugungan sawatawis, rumentahing pudyastuti, mugi tumapaking titi laksana adicara saged rancak sukur bagya pinangya runtut. Amien

NUWUN.

Para rawuh kakung putri ingkang tuhu minulya budhi,

Wahyaning mangsa kala ndungkap  titi wanci tabuh : ……… Tlatah Nuswantara iring kilen, kinarya pratandha tumapaking titi laksana adicara kepareng badhe kawiwitan.

1    Ingkang punika sumangga kepareng katiti adicara ingkang angka setunggal nun inggih adicara PAMBUKA.

Kanthi mboten hangirangi pakurmatan kula konjjuk para pangrasuk agami sanesipun Islam, sumangga kula dherekaken maos waosan “BASMALLAH” sesarengan kangge hambuka adicara ing wekdal punika.

------ BASMALLAH -----

Mugya kanthi waosan BASMALLAH adicara ing wekdal punika saged kalampahan kanthi mboten wonten alangan aral satunggal punapa. Amien

2    Ing salajengipun katiti adicara ingkang angka kalih nun inggih  LAPORAN SAKING KETUA PENYELENGGARA UJIAN NASIONAL LAN UJIAN SEKOLAH

Ingkang kepareng kasarira      : ………………………………

dhumateng panjenenganipun wekdal kaaturan sumangga.

--------------------------------------

Paripurna adicara LAPORAN KETUA  PENYELENGGARA UJIAN NASIONAL LAN UJIAN SEKOLAH,
Dhumateng panjenenganipun ……………………….. kaaturan gunging panuwun.

3    Para rawuh kakung putri ingkang mahambeg dharma. Sak lajengipun kepareng katiti adicara ingkang kaping tiga nun inggih “ATUR PAMBAGYA RAHARJA KAPISAN SAHA HAMANGSULAKEN SISWA KELAS XII DHUMATENG WALI MURID”

Ingkang kepareng kasarira      : ……………………………………………
dhumateng panjenenganipun wekdal kaaturan sumangga.

--------------------------------------

Gamblang wijang terwaca datan tempah suh pangraciking wacana, wedharing atur pambagya raharja lumantar panjenenganipun …………………………..………….

Dhumateng panjenenganipun ………………………….……….. kaaturan gunging panuwun.

Para rawuh kakung putri ingkang minulya.

Sak lajengipun kepareng katiti adicara ingkang kaping sekawan nun inggih  ATUR PAMBAGYA RAHARJA INGKANG KAPING KALIH INGGIH PUNIKA SAKING  WALIMURID INGKANG DIPUN SULIHI DENING KOMITE SMK N 6 PURWOREJO

Ingkang kepareng kasarira      : ……………………………………
dhumateng panjenenganipun wekdal kaaturan sumangga.

--------------------------------------

Gamblang wijang terwaca datan tempah suh pangraciking wacana, wedharing atur pambagya raharja lumantar panjenenganipun …………………………………….

Dhumateng panjenenganipun …………………………..…….. kaaturan gunging panuwun.
Para rawuh kakung putri wredha mudha ingkang minulya. Wahyaning mangsa kala dungkap tabuh : ….. tlatah nuswantara iring kilen, kinarya pratandha pari purna adicara ing wekdal punika.

Salajengipun kula ingkang piniji mranata laksitaning adicara wiwit purwa, madya dalah wasana, kula nglenggana kathah cecer cewet, galap gangsuling atur, kirang wijil – wijiling ukara, minggahinh kirang suba sita miwah larasing tata krami mugi sampun kirang ing pamengku.

Ing wasana mugi rahayu ingkang sami pinanggih, rabbana tawakkalna ….

Nuwun

Wabillahi taufiq walhidayah, wassalamu’alaikum wr.wb

Tweet